Q ➤ 1. U Geyms Kukda kichkina, Arnold Shvartsnegrda katta, Madonna va Kleopatrada umuman yo’q, Rim papasida bor, lekin uni ishlatmaydi. Gap nima haqida ketyapti?
Q ➤ 2. Finlyandiya, Nоrvegiya, Shvetsiyada yangi yil kuni uni sоvg’a qilishsa bilingki, sizga baxt va iliqlik istashayоtgan bõladi. Yunоnistоn va Ispaniyada u havf-xatar belgisi bõlgan. Haqiqatdan ham undan katta xavf bõlishi mumkin. Savоl u nima?
Q ➤ 3. Bu “mashina” umuman harakatlanish uchun mo’ljallanmagan. Ammo butun dunyodagi ularning yurgan “yo’lini” hisoblasak ular avtomobil va samolyot bosib o’tgan masofadan ortib ketadi. Hammamiz ko’rgan va ba’zilarimizda bor bo’lgan bu “mashinaning” nomi nima?
Q ➤ 4. L.N.Tolstoy maishiy turmushga bag’ishlangan barcha asarlar, roman bo’ladimi, film bo’ladimi, qissa afsona bo’ladimi voqealar rivojlanib borib u bilan tugaydi, hayotda esa aksincha hamma voqealar undan keyin boshlanadi degan. Mantiqiy o’ylab aytingchi, L.N.Tolstoy nimani nazarda tutgan?
Q ➤ 5. Kulgili savol: Qishloqqa kelgan sayyohlarni doim bir narsa ajablantirar ekan. U yerda telbaroq bir o’spirin bo’lib, sayyohlar unga 50 sentlik yaltiroq tanga yoki 5 dollarlik qog’oz kupyuralardan birini olishni taklif qilishsa doim 50 sentlikni tanlar ekan. Holbuki, 50 sent 5 dollardan 10 barobar kam. Qiziq, telba o’spirin nega doim 50 sentlik tangani tanlashi mumkin? Balki, bunga sababi border, juda telba ham emasdir?
Q ➤ 6. Ukraina, Xitoy, Turkiya, Kanada kabi davlatlarda u 2 ta, O’zbekistоn, Rоssiya, Frantsiya, Italiya kabi davlatlarda – 3 ta, Efiоpiya, Surinam, Quvayt, Suriyada – 4 ta. Lixtenshteyn va Liviyada u nechta?
Q ➤ 7. Har yili millionlab odamlar haj amalini bajarishadi. Makka shahriga bu tadbirni o’tkazish uchun xavfsizlik masalalarida, xizmatkorlar, taksistlar va boshqa yollanma ishchilar jalb etiladi. Turkiya davlatidan bir kasb vakillaridan 30 minglab kishilar chaqiriladi. Savol: bu qaysi kasb vakillari va ular qanday ishni bajarishadi?
Q ➤ 8. Qadimgi Rimliklarning fikricha, eng shafqatsiz xo’jayinlar – ular. Savol: ular kimlar?
Q ➤ 9. Qadimgi Yunonistonda papka ko’targan kishilarni bir nom bilan atashganki biz ularni boshqacha nom bilan ataymiz. Savol: Yunon tilida papka ko’targan kishilar bizda nima deb ataladi?
Q ➤ 10. Psixologlarning fikricha qaysi oy eng shirin oy hisoblanadi?
Q ➤ 11. 1943-yil, 27-noyabrda tobora kamayib borayotgan militsiya hodimlari uchun bir qaror chiqarishgan. Ushbu qaror tufayli militsiya hodimlari safi yana to’ldirilgan. Savol: bu qanday qaror edi?
Q ➤ 12. Bozorda ko’rmaysiz, ko’rsangiz ham olmaysiz, olsangiz ham kiymaysiz, kiysangiz ham ko’rmaysiz. U – ?
Q ➤ 13. Bir boyvachcha honim xizmatkoriga men o’lsam boyligimni senga xatlab beraman deb aytadi. Honim xizmatkoriga yana bir gap aytadiki xizmatkor uni uzoq vaqt yashashini xohlaydi. Savol: mantiqiy fikrlab ko’ring, xizmatkor nega honimni uzoq yashashini istagan?
Q ➤ 14. Hazil savol: Eng ko’p haqorat eshitadigan kishilar kimlar?
Q ➤ 15. Amir Temur jang payti ularning o’rni beqiyos, 100 ta mohir jangchi ham ularning o’rnini bosa olmaydi deb aytganlar. Savol: Sohibqiron kimga ta’rif berganlar?
Q ➤ 16. Antiqa savol: 1-b, 2-I, 3-u, 4-t, 5-b. Siz qolgan beshta harfni yozib bering.
Q ➤ 17. Mantiqiy savol: Ali va Vali baliq ovlagani chiqishibdi. Ular o’g’illarini olvolishibdi. Valining o’g’lini ismi Mirvali ekan. Ali 4 ta, Vali 3 ta, Mirvali 6 ta baliq tutibdi. Savol: Alining o’g’lini ismi nima?
Q ➤ 18. Fransuzlarda “Tuxumdan olmagacha” degan ibora bor. Ular bu koni foyda ekani uchun ham bunga amal qilishadi. Savol: “Tuxumdan olmagacha” iborasida nima nazarda tutilmoqda?
Q ➤ 19. Matematik masala: Qo’lingizda bir xil kattalikdagi, bir xil rangli 9 ta shar bor. Sharlardan 1 tasi boshqalariga qaraganda biroz yengilroq. Ikki pallali tarozidan 2 marta foydalanib yengilroq sharni toping.
Q ➤ 20. Qiziqarli fakt: u AQSHliklarda O. K. Y. tarzida berilsa yaponlarda Y. O. K. shaklida, bizda K. O. Y. ketma-ketlikda beriladi. Agar anglagan bo’lsangiz nimaning ketma-ketligi keltirilmoqda?
Q ➤ –21. U odamzod o’zi uchun tuzib oladigan qora ro’yhatda turadi, uning kattasi emas, ba’zan ko’zga ko’rinmaydiganlari havfliroq. Uning kattasimi, kichigimi har birimizda bor. Mantiqiy o’ylab javobini toping.
Q ➤ 22. Qo’qon xonligi davrida mashhur Qo’qon bozoriga vodiy bo’ylab turli tomonlardan kishilar to’planar edi. Qizig’I bir xil mahsulotni bir xil miqdorda olib kelgan bo’lsa ham sharq tomondan kelgan sotuvchiga 100 tanga, g’arb tomonidan kelgan sotuvchiga esa 50 tanga soliq solingan. Savol: nega g’arb tomondan kelgan sotuvchilarga ikki barobar kam soliq solingan?
Q ➤ 23. Cho’ponlar bozordan echki xarid qilayotganda uning qulog’iga nazar solishar ekan. Aynan katta va uzun quloqli echkini tanlashar ekan. Savol: nega katta quloqli echki sotib olishadi?
Q ➤ 24. Matematik masala. Bir mamlakat sultoni xazinasiga o’z hukmdorligi ostidagi 12 viloyat noiblari keltirgan tilla tanga bilan to’ldirilgan qoplarni yig’ibdi. Kutilmaganda bir chopar halloslab kelib qolibdi va sultonga shunday debdi:
–Ey buyuk sulton, noiblaringizdan biri sizni sotdi. U yuborgan qop qalbaki tangalar bilan to’ldirilgan. Ular tashqi ko’rinishidan haqiqiysidan farq qilmaydi, faqat ularning og’irligi haqiqiy tilla tanga kabi 10 gramm emas, 9 gramm. Sulton qaysi noib yuborgan qopni bir tortishda aniqlashga ahd qilibdi. Siz unga 1 marta tortishda qaysi qop qalbaki tangalar bilan to’ldirilganligini aniqlashda yordam bera olasizmi?
Q ➤ 25. Ingliz fermerlari sigirlarga ko’proq tuz berish samarali ekan deyishmoqda. Tuzning qanday foydasi bo’lishi mumkin deb o’ylaysiz?
Q ➤ 26. Dehqonlar ekinlarni biroz kechroq ekishganda ustiga qora ko’mir sepib qo’yishar ekan. Savol: nega qora ko’mir sepishlari kerak?
Q ➤ 27. Aynan bir poytaxt shaharning ichida boshqa bir davlat joylashgan. Bu qaysi shahar va davlat?
Q ➤ 28. Eng xotirasi past bo’lgan kulrang olmaxonlar o’rmondagi daraxtlar ko’payishiga xissa qo’shar ekan. Savol: Ular qanday qilib daraxtlar ko’payishiga yordam beradi?
Q ➤ 29. Qiziq savol: XIX asrlarda yevropada velosiped minish juda ommalashib ketadi. Velosiped bahona ayollarning azaliy orzularining ushalishi tezlashib ketadi. Savol: velosiped bahona ayollar qanday orzularini amalgam oshirib olishdi?
Q ➤ 30. Geografiyadan savol: Bu poytaxt ikki shaharning birlashishidan tashkil topgan. Uning nomi ham ikki shahar nomining qo’shilishidan paydo bo’lgan. Bu qaysi shahar?
Q ➤ 31. Tseylonda har bir oilaniki alohida o’z hovlisida joylashgan, bizning yerlarda esa hammaniki umumiy. Savol: nima haqida gap ketmoqda?
Q ➤ 32. Hazil savol: Nima uchun inson orqasiga qaraydi?
Q ➤ 33. Matematik masala: Biro damning 500 so’m puli bor edi. U 100 ta uy hayvoni olishi kerak. Ot – 50 so’m, sigir – 10 so’m, qo’y – 1 so’m. U hamma pulini ishlatib 100 ta hayvon sotib olish uchun qaysi hayvondan nechtadan olishi kerak?
Q ➤ 34. Qadimgi Sparta ayollari erlari qabriga borganda o’z vafodorliklarini belgisi sifatida bir kichkina idishda hech qayerda sotilmaydigan suyuqlik quyib kelishar ekan. Savol: qanday suyuqlik haqida gap ketmoqda?
Q ➤ 35. Kuril orollarida yashovchi tub aholi juda qadimdan beri eulaxon balig’ini tutib olishsa juda xursand bo’lar ekan. Bu baliq ingichka va juda yog’li baliq bo’lib uni quritib olib qo’yishar ekan. Savol: ular bu baliqdan nima maqsadda foydalanishlari mumkin?
Q ➤ 36. Tarix fanidan savol: Qadimgi Sparta davlatida mast qiluvchi ichimliklarni ichish ta’qiqlangan edi. Qonunni buzganlar qattiq jazolangan, ammo baribir ichimlik ichish davom etavergan. Shundan so’ng shafqatsiz buyruq e’lon qilingan. Savol: bu qanday buyruq edi?
Q ➤ 37. Osiyoda juda taraqqiy etgan bu davlatning qadimiy poytaxti shohlar shahri edi. Bu poytaxtning hozirgi nomi shaharlar shohiga o’zgargan. Qaysi davlat va shaharlar so’ralmoqda?
Q ➤ 38. Bolalr uchun savol: Suaxili tilini bilmaysiz, lekin u tildagi bir so’zni mashhur multfilmdan ko’p eshitganmiz va ishlatganmiz. Bu so’zning ma’nosi havotirsiz yaxshi yashash degani. Bu qaysi so’z?
Q ➤ 39. Qiziq savol: Teatr aktyorlari bir narsadan juda qo’rqishadi, hatto tushlariga kirsa o’ngimda teskarisi bo’ladi deb o’zlarini yupatishadi. Chunki u aktyorlik ijrosiga ham salbiy ta’sir o’tkazadi. Savol: teatr aktyorlari nimadan ko’proq qo’rqishadi?
Q ➤ 40. Bolalar uchun mantiqiy savol: 18=2 19=1 68=3 17=0
Mantiqan o’ylab ayting, teng qo’yilgan sonlarni aniqlashda nima hisobga olingan?
Q ➤ 41. Shunday bir tuyg’u borki u oyoqlarga qanot berishi ham, oyoqlarni yerga kishanlashi ham mumkin. Savol: bu qaysi tuyg’u?
Q ➤ 42. Chalg’ituvchi savol: Bir traktorchining ukasi bor ekan, ukasining akasi yo’q ekan. Mantiqiy fikrlab savolning javobini izohlab bering.
Q ➤ 43. Jiddiy savol: U eng arzon va eng qimmat mulk. Undan to’g’ri foydalanilsa dahoga aylanish mumkin. U nima?
Q ➤ 44. VII-VIII asrlarda Eronda topilgan tarixiy hujjatda shunday majburiyatlar yozilgan edi: “Xudo nomi bilan qasam ichaman, uni sotmayman, qarz hisobiga qullikka ham, boshqalar himoyasiga ham bermayman” Savol: ushbu hujjatda qanday majburiyat zikr etilgan?
Q ➤ –45. Mantiqiy savol: Bu ikki aka uka bir joyda tug’ilgan. Yosh orasi ham uncha uzoq emas. Akasi 4 yil yashagan, ukasi akasidan 2 yil ko’proq yashagan. Bu g’alati mashhur aka ukalar nimalar?
Q ➤ 46. Futbol fanatlari uchun savol. Italiyada shunday futbol maktablari borki, hujumchilar alohida, yarim himoyachilar alohida, himoyachilar alohida o’qitiladi. Himoyachilar maktabida 1 yil faqat shunday narsa o’rgatiladiki, bu narsani qilolmagan himoyachi boshqa mashg’ulotlarga qo’yilmaydi. Savol: nima ularga 1 yil o’rgatiladi?
Q ➤ 47. Tizza bo’g’imlari 4 ta bo’lgan yagona sutemizuvchi hayvon qaysi?
Q ➤ 48. Tarixdan savol: Aholini ro’yhatga olish qadimgi misrdan boshlangan. Ular eramizdan avvalgi 3,5 ming yil avval bu ishni amalgam oshirganlar. Savol: aholini ro’yhatga olishdan maqsad nima bo’lgan?
Q ➤ 49. Qiziqarli savol: Diyego, Manfrid va Sid qaysi “davrda” do’stlashadi?
Q ➤ 50. Buyuk Xitoy devorini qurishda mustahkam bo’lish uchun tosh, tuproq va o’sha narsani ishlatishgan. Savol: o’sha narsa nima?
Q ➤ 51. Bir gap borki uni xursand odamga aytsangiz, hafa bo’ladi, hafa bo’lgan insonga aytsangiz xursand bo’ladi. Bu qanday gap?
Q ➤ 52. Adabiyot ixlosmandlari uchun mantiqiy savol. Alisher Navoiy shunday falsafiy fikrlar bitganlar:
Q ➤ Savol: o’zing qo’ygan nuqtalar deb nimaga shama qilingan?
Q ➤ 53. Eng birinchi uning yorug’ligi ko’rinadi, so’ng ovozi eshitiladi, so’ng shamolini his qilasiz, ana undan keyingina o’zi kirib keladi. Gap nima haqida ketmoqda?
Q ➤ 54. Mashxur sayyоx Jeyms Kuk Taiti va Yangi Zelandiya оrоllariga ikkinchi bоr tashrif buyurganida o’zi bilan qo’y va cho’chkalar оlib bоradi. 2 ta maksadi bоr edi: birinchisi оrоlliklar turmush farоvоnligini оshirish, ikkinchisini siz o’ylab ko’ring.
Q ➤ 55. Qisqa savol: Koreys tiliga poytaxt so’zini tarjima qiling.
Q ➤ 56. XIII asrda bu narsaga ehtiyoj sezila boshlagan. XII-XIII asrlarda universitetlarning ko’payganligini bunga sabab sifatida keltirish mumkin. O’sha vaqtgacha uni hech kim bilmagan. Savol: u nima?
Q ➤ 57. Oson savol: Bir kishining 7 ta qizi bor. Qizlarning har birini bittadan akasi bor. Savol: u kishining nechta farzandi bor?
Q ➤ 58. Hindistonda sigirni muqaddas jonzot deb ehtirom ko’rsatishadi. Ular masofani o’lchashda ham sigirdan foydalanishar ekan. Savol: hindlar masofani o’lchashda sigirdan qanday qilib foydalanishi mumkin?
Q ➤ 59. Oson savol: Qaysi qushning ko’zlari miyasidan kattaroq bo’ladi?
Q ➤ 60. Matematik topishmoq: pastda turgan bir g’oz osmonda uchib ketayotgan g’ozlarga qarab “Hooy yuz g’ozlar, meni ham olib ketinglar!” – debdi. Shunda osmondagi g’ozlar “Biz 100 ta emasmiz, bizga bizcha, bizning yarmimizcha, yarmimizni yarmicha keyin sen qo’shilsang 100 ta bo’lamiz” – deyishibdi Osmondagi g’ozlar nechta?
Q ➤ 61. Sevimli shoir Erkin Vohidov ularni shunday ta’riflagan:
Ularda reja bor, ish bor, g’ayrat bor,
Ular hordiq kun qilmaslar talab.
Dushanba boshlari og’rimas nahot?
Kechikib kelmaslar ishga ertalab!
O’zbekiston qahramoni Erkin Vohidov ular deganda nimani ta’riflagan?
Q ➤ 62. Qiziqarli savol: Yaqinda g’arb matbuotida dunyodagi eng yoqimsiz budelniklar ro’yxati e’lon qilindi. Bu ro’yhatda 5- o’rinni olgan budelnikni o’chirish uchun siz krossvord yechishingizga to’g’ri keladi. 4- o’rindagisi esa ertalab sizni har xil haqoratli so’zlar bilan uyg’otadi. 3- o’rin mozayka budelnigiga nasib qildi. Tovuq shaklidagi budelnik 2- o’rinni olgan bo’lib, u ertalab bir nechta tuxum tug’adi. Tuxumlarni yig’ib joyiga qo’ymaguningizcha tovuqning ovozi o’chmaydi. 1- o’rinni olgan budelnik ishga tushganidan so’ng uni o’chirish uchun ancha harakat qilishingizga to’g’ri keladi. Aslida uni o’chirish unchalik qiyin ish emas, bitta tugmani bosish kifoya, lekin bu tugmani bosishdan oldin siz boshqa bir ishni qilishingiz talab qilinadi. Siz budelnikni o’chirish uchun nima qilishingiz kerak?
Q ➤ 63. Kembridj universiteti matematika o’qituvchisi eng a’lochi talabaga bir ishi uchun yog’och qoshiq berar edi. Aytingchi, qanday ishi uchun shunday qilardi?
Q ➤ –64. Qiziqarli boshqotirma. Ikkita bir xil stakan. Ularning birida sut, ikkinchisida kofe. Ularning miqdori bir xil. Birinchi stakandan 1 qoshiq sut olib ikkinchi stakanga solindi va aralashtirildi, keyin ikkinchi stakandagi sut aralashgan kofedan bir qoshiq olib sut solingan stakanga quyildi va aralashtirildi. Savol: sutda kofe ko’pmi, kofeda sut?
Q ➤ 65. Geografiya fanidan savol: Uganda, Ekvador, Kolumbiya, Indoneziya, Somali, Kenya, Braziliya, Kongo. Bu davlatlarni bir narsa birlashtirib turadi. U nima?
Q ➤ 66. Kulgili savol: Tuyaga qushning tuxumini bostirsa nima bo’ladi?
Q ➤ 67. Yuliy Sezar g’animlar o’qiy olmasligi uchun mahfiy maktublarini maxsus shrift bilan yozar edi. Mana maxsus shriftda yozilgan so’zga namuna: nblubd. Shriftni tushunganlar bu so’zni maktab deb o’qishgan. Namunaga diqqat bilan qarab aytingchi, mahfiy shriftning qoidasi nima edi?
Q ➤ –68. Topishmoq: Dengiz ham emas, yer ham emas. Unda kema ham suzmaydi, odam ham yurmaydi.
Q ➤ 69. Bir podsho u bilan suhbatga kelgan kishilarni taxt oldidagi sherning ochiq og’ziga qarab gapirishni talab qilgan. Mantiqiy o’ylab aytingchi, shoh nega shunday yo’l tutgan?
Q ➤ 70. U qush o’z qanotlari yordamida suv tagida suza oladi. Tezligi esa 10 m/s. Eng qizig’I, u qush shuncha tez suzsa ham ucha olmaydi. Bu qaysi qush?
Q ➤ 71. Nurotada bu narsa juda ham ko’p. Bu narsaga quyidagicha nomlar ham qo’yilgan: Mastak, Zuli, Zulfiqor, Mozor, Begli, Tayla, Maston. Nurotadagi bu nomlar nima narsaga qo’yilgan?
Q ➤ 72. Oddiy savol: Nimaning 5 ta barmog’I bor, tirnoqlari yo’q?
Q ➤ 73. Sherlok Xolms va Doktor Vatson Londonning bir chekkasidagi qahvaxonaga kirishadi, chekkadagi stulga borib o’tirishadi. Xolms qahvaxona xo’jayiniga “Ilgari qahvaxonangizda to’s-to’polonlar bo’lib turarmidi?” – deb so’raydi. Xo’jayin og’zi ochilib buni qayerdan bildingiz deb so’raydi. Xolms buni qayerdan bilgan edi?
Q ➤ 74. Kulollar kattta-katta xumchalar yasaganda og’iz qismini qalinroq, tub qismini yupqaroq qilib tayyorlashadi. Savol: nega tub qismi yupqaroq qilinadi?
Q ➤ –75. Matematik boshqotirma. Qirg’oqqa 2 yosh bola va 1 katta odam kelishdi. Ular daryoning u betiga o’tibshlari kerak. Qirg’oqda 1 ta qayiq bo’lib u 2 yosh bolani yoki 1 odamni ko’tara oladi xolos. Ular o’ylab ko’rib buning yechimini topishdi. Siz ham yechim izlab ko’ring.
Q ➤ 76. Vena opera teatri kiyim topshiradigan xonada sizga uzoqni yaxshi ko’rsatadigan vosita va bepul xapdori (tabletka) taklif etishadi. Savol: xapdori nima vazifani bajaradi?
Q ➤ 77. Ummon davlatida ayollarga mashina minish huquqi bir shar bilan ruxsat berilgan. Bu qanday shart?
Q ➤ 78. Yunon faylasufi Diogen “Agar bo’ysunmas, to’polonchi qulim bo’lsa uni jazolab Kolizeyga olib borib o’tirmasdim.” Degan. Savol: faylasuf to’polonchi qul hovurini bosib olish uchun qayerga jo’natishni aytgan bo’lishi mumkin?
Q ➤ 79. Qiziqarli savol: Uning o’rnida Sulaymon orollarida odamning bosh suyagi, Santa Krus orollarida qush patlaridan yasalgan 10 m. lik tasma, Tinch okeanidagi ba’zi orollarda 100 yil oldin diametric 4 m. lik bo’lgan toshlar ishlatilgan. Savol: uning o’rnida biz hozir nima ishlatamiz?
Q ➤ 80. Tarix bo’yicha savol: Buyuk sarkarda Iskandar Zulqarnaynning qo’shinlari orasida maxsus 700 kishilik saralangan jangchilari bor edi. Ularning bir xislati tufayli raqib qo’shinlari ular bilan jang qilishga qiynalishar edi. Savol: saralangan jangchilarning qanday xislati bor edi?
Q ➤ 81. U dunyoda 3096 ta. Har yili ularning 14 tasi yo’qolibketmoqda. Savol: u nima?
Q ➤ 82. Shunday bir narsa borki u dastlab qo’shiq kuylab, so’ngra ko’zyosh to’kadi. Bu nima?
Q ➤ 83. Tayland qonunlariga ko’ra pul va tangalarni oyoq bilan bosish mumkin emas. Bunday ishni qilgan shaxslarga jarima solinadi. Bu qonun o’ziga xos ma’noga ega. Savol: nima uchun bunday qonun chiqarilgan?
Q ➤ 84. Qisqa savol: Nimaning 40 qulochi 1 gramga teng?
Q ➤ 85. Bir yigit bor ekan. U kambag’al bo’lib uning farzandi yo’q ekan.Bu ham yetmagandek otasining ko’zlari ojiz ekan. Kunlarning birida unga farishta uchrabdi va bittagina tilagingni amalgam oshiraman debdi. Yigit bitta tilak bilan uchchala orzusiga ham yetibdi. Savol: u qanday tilak aytgan?
Q ➤ 86. Uning qora, yashil, sariq, qizil turlari mavjud. U deyarli har bir honadonda bor. O’zbekistonda uni qora va yashil turlarini ko’p iste’mol qilishadi. Savol: u nima?
Q ➤ 87. Dengizda kemalar bir-biriga ko’ringanda qo’l silkitib salomlashganday bo’lishar ekan. Ba’zi kemalarda matroslar arqon ko’rsatishar ekan. Savol: arqon ko’rsatish bilan nima demoqchi bo’lishadi?
Q ➤ 88. Dunyoda o’qitiladigan fanlar ko’p. Har bir fan o’z ma’nosiga ega. Qaysi fan “Donolikni sevaman” ma’nosini bildiradi?
Q ➤ 89. Bu poytaxt shaharga o’sha davlatning 1- prezidentining nomi berilgan. Bu qaysi shahar?
Q ➤ 90. AQSH davlatining Xitoy respublikasiga sotadigan mahsulotlari orasida u 3- o’rinda turar ekan. Bu AQSHga bir yilda 1 milliard 300 million dollar foyda keltirar ekan. Savol: qanday mahsulot (uni mahsulot deyish ham mushkul) haqida gap ketyapti?
Q ➤ 91. Antiqa savol: Yaxudiylar fikricha, o’g’il bola tug’ilsa tinchlik qaror topadi. Qiz bola tug’ilsachi?
Q ➤ 92. Yer yuzida shunday tarjimon borki, u xohlagan tilda gapiring, u gapingizni tarjima qilib tilingizda javob qaytara oladi. Mantiqiy o’ylab ko’ring, qanday tarjimon so’ralmoqda?
Q ➤ 93. O’zbekiston, Urugvay, BAA, AQSH, Ukraina, Uganda. Bu davlatlarni ingliz tilini ishlatgan holda bog’liqligini aniqlang.
Q ➤ 94. Qaysi qizning otasi yo’q, onasi yo’q – bobosi bor?
Q ➤ 95. Odatda odamning yuragi 1 ta bo’ladi. Mantiqan o’ylab aytingchi, qanday odamda yurak 2 ta bo’ladi?
Q ➤ 96. Bolalarga mos savol: G’orda qaroqchilar qarorgohi bor edi. U yerga kirish uchun mahfiy parolni aytish kerak edi. 1 qaroqchi kelganda qo’riqchi unga 1 dedi, qaroqchi 3 deb aytdi va ichkariga o’tib ketdi. Boshqa bir qaroqchi kelganda qo’riqchi unga 2 dedi va u 4 deb javob berdi, u ham to’g’ri aytgani uchun o’tkazib yuborildi. Boshqa bir qo’riqchiga 7 raqami berildi u esa 5 deb javob aytdi. Uning javobi ham to’g’ri edi. O’ylab ko’rib aytingchi, 1-3, 2-4, 5-3 raqamlari qanday mantiq asosida tuzilgan?
Q ➤ 97. Boshlang‘ich sinf o‘quvchisi bu vazifani besh daqiqada, yuqori sinf o‘quvchisi o‘n besh daqiqada, oliygoh talabasi oltmish daqiqada yechadi, olim esa yecholmaydi. Mana o‘sha vazifa: “BIUTBOYeSTO‘” nimani bildiradi?
Q ➤ 98. Bir kema halokatga uchrab birgina erkak kishi omon qolibdi. To’lqinlar uni faqat ayollar yashaydigan orolga eltib tashlabdi. Erkak hushiga kelganda ayollar uni qurbonlik qilish uchun tayyorlanishayotgan ekan. Ular erkakka so’nggi so’zlarini aytishini taklif qilishibdi. U so’nggi so’zlarini aytgach ayollar uni o’ldirish o’rniga qayiq yasab, oziq-ovqatlar bilan ta’minlab qo’yib yuborishibdi. Qiziq, erkak nima degan?
Q ➤ 99. Qayerda ot ustidan ot sakrab o’tishini ko’rish mumkin?
Q ➤ 100. Bir vaqtning o’zida 2 uy yonmoqda, biri bdavlat kishiniki, ikkinchisi kambag’al kishiniki. Qaysi uyni politsiya birinchi bo’lib o’chirishga shoshiladi?
Q ➤ 101. Shunday insonlar borki, ular otni ham, filni ham qiyinchiliksiz ko’tara oladi, joyini o’zgartira oladi. Ular kimlar?
Q ➤ 102. Bir kuni shofyor o’z mashinasining g’ildiraklaridan birini dami chiqib qolganini ko’rdi, lekin parvo qilmay uydan chiqib ketdi va qiyinchiliksiz yurib kechga tomon qaytib keldi. U buni qanday uddaladi?
Q ➤ 103. Bu shaxmat donasi sabab o’rta asrlarda arab shohlari bu o’yinni o’ynashni istashmagan.
Q ➤ 104. Mashhur sehrgar xonaning o’rtasiga qo’l zo’rg’a sig’adigan shisha qo’yib uning ichiga kira olishini aytdi. U buni qanday uddalashi mumkin?
Q ➤ 105. 4 ta 2 dan har xil matematik amallardan 9 chiqarib bering.
Q ➤ 106. Ot o’z bo’yniga bog’langan qo’ng’iroqning ovozini eshitmaslik uchun necha km/soat tezlikda chopishi kerak?
Q ➤ 107. Bu narsa insonga 2 marta beriladi. Uchinchisida sotib olinadi.
Q ➤ 108. Sherlok Xolms ko’chada sayr qilib yurgan edi. To’satdan u yerda jonsiz yotgan ayol tanasiga ko’zi tushdi. Aftidan qotillikka o’xshardi. U ayolning yoniga kelib, uning sumkasini ochdi va uning telefonini oldi. Telefonda uning turmush o’rtog’i raqamini topib, unga qo’ng’iroq qildi va shunday dedi:
– Tezda yetib keling. Sizning ayolingiz jonsiz topildi. Bir necha daqiqadan keyin ayolning turmush o’rtog’i yetib kelib: “Azizam, senga nima bo’ldi, nega?”, – deya yig’lab yubordi. Shundan so’ng politsiya yetib kelgach, Sherlok barmog’i bilan ayolning turmush o’rtog’iga ko’rsatib: “Bu odamni hibsga oling, u o’z ayolining qotili”, – deb aytdi. Savol: Sherlok nega bunday qarorga keldi?
Q ➤ 109. Daraxtning shoxida qarg’a bor. Qarg’ani cho’chitmasdan shoxni arralash uchun nima qilish kerak?
Q ➤ 110. Itning bo’yniga 3 metr keladigan arqon bog’langan edi, lekin it to’g’ri yo’nalish bilan 5 metr yura oldi. U bunga qanday erishdi?
Q ➤ 111. Qaysi holatda 2 ga qarab, 10 deymiz?
Q ➤ 112. Shifoxonadan to’rt muchchasi sog’ bo’lgan odamni qo’lda ko’tarib olib chiqishdi. U mutlaqo sog’lom bo’lsa, nega ko’tarib olib chiqishmoqda?
Q ➤ 113. Qaysi yegulikni pishirish vaqtida qancha tuz solsangiz ham sho’r bo’lib ketmaydi?
Q ➤ 114. Bir shifoxonada bemorlar soni qabul qila olish ko’rsatkichidan oshib keta boshladi. Bemorlarning aksariyati YTH jarohat olgan haydovchilar edi. Bemorlar sonini kamaytirish uchun shahar ma’muriyati haydovchilarga xavfsizlik kamarini taqishni majburiy qilib qo’ydi. Vaqt o’tgach, statistika o’rganilganda YTH-lar soni kamaymagani, ammo kasalxonaga tushgan bemorlar soni ancha ko’payganini aniqlandi. Buning sababi nimada?
Q ➤ 115. Bir inson samolyotdan parashyutsiz sakrab, qattiq yerga hech bir jarohat olmasdan tushdi. Unga hech kim yordam bermadi. Buni qanday izohlash mumkin?
Q ➤ 116. Choyga shaker solib qaysi qo’l bilan aralashtirgan ma’qul?
Q ➤ 117. Nima oq bo’lganda toza xisoblanadi, yashil bo’lganda tozalash kerak?
Q ➤ 118. Jorj Vashington, Sherlok Xolms, Vilyam Shekspir, Lyudvig Van Betxoven, Napoleon Bonapart, Aleksandr Pushkin – ushbu ro’yxatda kim “ortiqcha”?
Q ➤ 119. Oqila qog’ozga 86 sonini yozib, dugonasidan “ushbu sonni qog’ozda hech narsani o’chirmasdan, bo’yamasdan va chizmasdan 12 ga oshira olasanmi” deb so’radi. Dugonasi buni eplay oldi. Qanday qilib?
Q ➤ 120. Yuliy Sezar o’z qo’shinlariga qalqon va qilichlarini qimmatbaho narsalar bilan bezatishni buyurgan. Nima uchun?
Q ➤ 121. Saudiya Arabistoni mamlakatida nechta daryo o’rin olgan?
Q ➤ 122. Balandligi 10 metr keladigan narvondan sakrab, umuman jarohat olmaslik uchun nima qilish kerak?
Q ➤ 123. Shoh vaziriga menga nok olma anor keltir – deb buyurdi. Zukko vazir bitta meva keltirdi. Bu qaysi meva edi?
Q ➤ 124. Xonaning qaysi joyiga qalam qo’yilsa, uning ustidan sakrab o’tib bo’lmaydi?
Q ➤ 125. Qaysi oyda 28 kun bor?
Q ➤ 126. U sizniki, lekin undan sizdan ko’ra boshqalar ko’proq foydalanishadi.
Q ➤ 127. Xomligida iste’mol qilinmaydi, qaynatilganda tashlab yuboriladi.
Q ➤ 128. Kim o’tirgan holda yuradi?
Q ➤ 129. Ko’p qavatli kiyim kiygan, usti yashil ichi sariq, bolalari qator-qator, pishganda mazali.
Q ➤ 130. Ikki ota va ikki o’g’il yo’lda ketayotib, 3 ta olma topib olishdi. Ularning har biriga bittadan olma tegdi. Bu qanday sodir bo’ldi?
Q ➤ 131. Bir oilada 5 qiz bor ekan. 1- kitob o’qiyapti, 2- shaxmat o’ynayapti, 3- ovqat yeyapti, 4- yig’ishtiryapti, 5- nima qilyapti?
Q ➤ 132. Shimoldan janubga qarab elektropoyezd ketmoqda, shamol janubdan shimolga qarab esmoqda. Savol tutun qaysi tarafga qarab ketadi?
Q ➤ 133. Qanday idishda ovqat yeb bo’lmaydi?
Q ➤ 134. Siz mashinaga o’tirdingiz va uni haydamoqchisiz, lekin oyoqlaringiz pedallarga yetmayapti. Bu holda nima qilish kerak?
Q ➤ 135. Futbolda “Quruq barg” degan termin bor, qaysi holda ishlatiladi?
Q ➤ 136. U juda qiyinchilik chog’ida dunyoga keladi. Yoshlik chog’idayoq uydan chiqib ketadi. Tirik qolish uchun qo’shiq aytib kun ko’radi va oz konserti vaqtida joniga qasd qilishadi. Ushbu qahramon va qotilni toping.
Q ➤ 137. U savol emas, lekin unga javob berish kerak.
Q ➤ 138. Bir kunda bitta tug’ruqxonada ikki o’g’il farzand dunyoga keldi. Ularning ota-onalari bitta ko’p qavatli uyda yashashardi. Ikkita bola bitta bog’chaga, bitta maktabga borishdi, bir sinfda o’qishdi. Lekin hech qachon bir-birini ko’rmadi. Bu qanday qilib bo’lishi mumkin?
Q ➤ 139. Stolning 4 ta burchagi bor. Uning bir burchagini kesib yuborsak nechta burchak qoladi?
Q ➤ 140. Shifokorlarning ta’kidlashlaricha, ushbu soha vakillari chap quloqlarining yaxshi eshitmasligidan ko’p shikoyat qilishadi. Ushbu soha vakillarini toping.
Q ➤ 141. Ikkita soat taqib yuradigan kasb egalari kimlar?
Q ➤ 142. Undan qancha olsangiz, shuncha kattalashib boraveradi. U nima?
Q ➤ 143. Tuyaqush o’zini qush deb atay oladimi?
Q ➤ 144. Qanday sharoitda qora mushukka uyga kirish oson bo’ladi?
Q ➤ 145. It, jirafa, tuya. Bularning qanday umumiy xususiyatlari bor?
Q ➤ 146. Qanday holda 12 sonini teng ikkiga bo’lsak, 7 chiqadi?
Q ➤ 147. Traktorchining Farhod ismli akasi bor edi, lekin Farhodning ukasi yo’q edi. Buning sababi qanday?
Q ➤ 48. Qafasda 3 ta quyon bor edi. Uchta qizcha ularga bittadan quyon berishlarini so’rashdi. Ularga so’raganlaridek bittadan quyon berildi. Lekin baribir qafasda bitta quyon qoldi. Buni qanday tushuntirish mumkin?
Q ➤ 149. Bu xarf deyarli dunyoning barcha alfavitlarida 1 xil yozilishi bilan rekord o’rnatgan. bu qaysi xarf?
Q ➤ 150. Bir kuni chol ikki nabirasi bilan yo’lga chiqibdi. Ular yo’lda ketayotib katta daryoga duch kelibdi. Daryoda qayiq bor ekan. Qayiq esa faqatgina 100 kilogram yukni ko’tara olarkan. Chol o’zi 100 kilo ekan. Nabiralar esa 50 kilodan ekan. Ular daryoni u betiga o’tishlari shart. Qanday qilib o’tib olish mumkin?
Q ➤ 151. Bir kishi sochini oldirib bo’lib qancha bo’ladi dedi. Usta esa g’aladanda necha so’m bo’lsa shuncha tashlab 2000 so’m oling dedi .Keyingi odamga ham shu qaytarildi va 3- odam ham g’aladanda qancha bo’lsa shuncha pul tashlab 2000 so’m olib chiqib ketdi va galadanda pul tugadi. Dastlab g’aladonda necha so’m bor bo’lgan?
Q ➤ 152. Professor kech soat sakkizda budelnikni 9 ga qo’yib uyquga yotdi. U necha soat uxlaydi?
Q ➤ 153. Kichkina, kulranggina, filga o’xshaydi.
Q ➤ 154. Qaysi o’simlik yig’ib olinganidan so’ng, uning 90% yoqib yuboriladi, 10% esa tashlab yuboriladi.
Q ➤ 155. Merining otasining beshta qizi bor. Ularning ismlari Chacha, Cheche, Chichi, Chocho… Beshinchi qizining ismi nima bo’lishi mumkin?
Q ➤ 156. 3 ta archa o’sardi. Har birida 7 tadan shox mavjud. Har bir shoxda 3 tadan olma meva bor. Barcha daraxtning jami mevalari soni nechta bo’ladi?
Q ➤ 157. Erkak kishi o’zining bevasining singlisiga uylanishi mumkinmi?
Q ➤ 158. Mahmudning 10 ta qo’yi bor edi. 9 tadan boshqa hamma qo’ylari o’lib qoldi. Mahmudning nechta qo’yi qoldi?
Q ➤ 159. Nok osilib turibdi, lekin uni yeb bo’lmaydi. Lampochka emas.
Q ➤ 160. Bir vaqtlar Nissa shahrida eng chidamli chekuvchi bo’yicha konkurs o’tkazilgandi. Ishtirokchilardan biri ketma-ket 60 dona sigareta chekib, rekord o’rnatdi, lekin sovrin olmadi. Nega?
Q ➤ 161. O’rdaklar qator bo’lib suv ichgani ketishayotgan edi. Ulardan biri oldinga qarab 7 ta boshni ortiga qarab 12 ta panjani ko’rdi. O’rdaklar nechta?
Q ➤ 162. Juda och qoringa nechta tuxum yeyish mumkin?
Q ➤ 163. Sen notanish xonaga kirib qolding. U erda benzin va gaz bilan yonadigan chiroqlar bor ekan. Sen birinchi bo’lib nimani yoqishing kerak?
Q ➤ 164. Ota va o’g’il avto halokatga uchrashdi. Otasi shu joyning o’zidayoq halok bo’ldi, o’g’lini esa kasalxonaga yuborishdi. Operasiya vaqtida xirurg bolani ko’rib: «Voy xudoyim-ey, bu mening o’g’lim-ku-deb baqirib yubordi. Shunday ham bo’lishi mumkinmi?
Q ➤ 165. “To’yingda elak bilan suv tashiy” degan ibora mavjud. Bu mumkinmi?
Q ➤ 166. Yog’ochni 12 bo’lakka bo’lish uchun uni necha marta arralash kerak?
Q ➤ 167. 1 kg tosh og’irmi, 1 kg paxta?
Q ➤ 168. 4 ta 4 sonidan turli matematik (qo’shish, ayirish, ko’paytirish, bo’lish) amallarini bajarib 20 sonini chiqaring.
Q ➤ 169. Rimliklar sanchqi (vilka) konstruktsiyasiga revolyutsion yangilik kiritishdi. Sanchqilarning barcha keyingi modellari ularning kashfiyoti varianti qilib yasala boshlandi. Bu kashfiyotdan oldin sanchqi qanaqa edi?
Q ➤ 170. Qo’llarda 10 ta barmoq bor. 10 ta qo’lda nechta barmoq bor?
Q ➤ 171. Kun va tun nima bilan tugaydi?
Q ➤ 172. Uni chap qo’l bilan ushlasa bo’ladi, o’ng qo’l bilan umuman ushlab bo’lmaydi.
Q ➤ 173. Avtobusda 15 yo’lovchi ketayotgan edi. Birinchi bekatda 3 yo’lovchi chiqdi, keyingi bekatda 2 yo’lovchi tushib qolib, 4 yo’lovchi chiqdi, keyingi bekatda 4 yo’lovchi tushib 7 yo’lovchi chiqdi, keyingi bekatda esa 1 yo’lovchi tushib 6 yo’lovchi chiqdi. Avtobus necha bekat yurdi?
Q ➤ 174. Yomg’irda quyon qanday daraxt tagida turishi mumkin?
Q ➤ 175. 5 ta yigit 1 ta etikda qolishi uchun nima qilish kerak?
Q ➤ 176. Bir kishi olmalarni 500 so’mdan sotib olib, ularni 300 so’mdan sotardi. Bir muncha vaqt o’tgach, u kishi millionerga aylandi. Buning sababi nimada?
Q ➤ 177. 1 dan 100 gacha sonlar orasida nechta 9 bor?
Q ➤ 178. Ikki kishi daryo sohiliga keldilar. Ularning har ikkisi ham daryoning narigi tarafiga o’tishi kerak edi. Sohilda bitta qayiq bo’lib u faqat bir kishini ko’tara olardi. Shunga qaramay ular maqsadlariga yetdilar. Ular buni qanday uddalashdi?
Q ➤ 179. 7 ta sham yonib turgan edi. Ulardan 3 tasini o’chirib qo’yishdi. Nechta sham qoldi?
Q ➤ 180. Qanday holatda 3 ta yosh bola, 4 ta katta yoshli odam, 1 ta mushuk va 1 ta it bittagina soyabon tagida turib, yomg’ir ostida nam bo’lmaydi?
Q ➤ 181. 2+2*2 ning javobi necha bo’ladi?
Q ➤ 182. Hamma narsani ko’rayotganingizda uni ko’ra olmaysiz, hech narsani ko’rmaganingizda esa uni ko’ra olasiz. U nima?
Q ➤ 183. Qaysi oddiy odam oldida podshohlar ham boshlarini egishgan?
Q ➤ 184. 16 qavatli uyda bir liliput (pakana) odam yashaydi. U har kuni ertalab ishga ketayotib liftda pastga tushib, so’ng ishga ketadi, ishdan qaytayotganda esa 10- qavatgacha liftda ko’tarilib, u yog’iga piyoda ketadi. U nimaga shunday qiladi?
Q ➤ 185. Qaysi oyda odamlar kam gapiradilar?
Q ➤ 186. Ular qanchalik ko’payib ketsa, vazni shunchalik kamayib boraveradi.
Q ➤ 187. 100 so’m pulingiz bor. 100 ta hayvon olishingiz kerak. Mol – 10 so’m, qo’y – 3 so’m, xo’roz – 50 tiyin. Qaysi hayvonlardan nechtadan olasiz?
Q ➤ 188. Qaysi so’z har doim xato bo’lib eshitiladi?
Q ➤ 189. Professor do’stlarini o’zining maxsus salati bilan mehmon qilishni niyat qildi. Buning uchun unga: 3 ta bulg’or qalampiri va huddi shuncha pomidor, pomidorlardan ko’ra kamroq, ammo piyozdan ko’proq bodring kerak bo’ladi. Professor jami bo’lib necha dona turli xil sabzavotlar ishlatadi?
Q ➤ 190. Bola choynak va uning qopqog’i uchun 11 so’m pul to’ladi. Choynakning narxi qopqog’iga qaraganda 10 so’m qimmat. Qopqoqning narxi necha pul?
Q ➤ 191. Men suvman va suv yuzida suzib yuribman. Men kimman?
Q ➤ 192. Dengiz tubida qanday tosh bo’lmaydi?
Q ➤ 193. Garchi u yengil bo’lsa ham nimani 10 daqiqadan ortiq ushlab turib bo’lmaydi?
Q ➤ 194. Uning balandligi ham, eni va bo’yi ham yo’q, lekin uni o’lchasa bo’ladi. U nima?
Q ➤ 195. Ko’rganda quvonamiz, lekin baribir ko’zimizni olib qochamiz.
Q ➤ 196. Cho’pon karam, qo’y va bo’rini olib ketayotgan edi. Oldidan daryo chiqib qoldi. Qarasa sohilda qayiq turibdi, faqat unga cho’pon o’zi bilan birga uchta narsadan birini olib o’tirishi mumkin edi. Cho’pon qo’y, karam va bo’rini sohilni narigi betiga olib o’tish uchun nima qilishi kerak? (Cho’pon qarovisiz qolganda bo’ri qo’yni, qo’y esa karamni yeb qo’yishi mumkin)
Q ➤ 197. Yo’llari bor, yurib bo’lmaydi,
yerlari bor – ekib bo’lmaydi,
yam-yashil o’tloq bor – yulishni iloji yo’q,
dengiz, daryo ko’llari bor, ammo suvi yo’q.
Bu nima?
Q ➤ 198. Tuxumni balandlikdan tashlab yuborishdi. U pastga tomon 3 metr tushganda ham yorilmadi. Buning sababi nimada?
Q ➤ 199. Haydovchi yuk mashinasini haydab ketayotgan edi. Mashinaning yoritgichlari (faralari) o’chgan, osmonda oy ham ko’rinmasdi. Shu vaqt yo’lni bir ayol kesib o’ta boshladi, lekin haydovchi u ayolni uzoqdan ko’ra oldi. Haydovchining bunday muvaffaqqiyati nimaga bog’liq edi?
Q ➤ 200. Yerdan osonlikcha ko’tarish mumkin, lekin uni uzoqqa otib bo’lmaydi. Bu nima?
Q ➤ 202. Shunday shahar borki o'n to'rt soniga A harfini qo'shib yozilsa, shaharni nomi kelib chiqadi. U qaysi shahar?
.jpg)
.jpg)
